Sûr de polîsî bi zor keyan danê vengkerdiş

AMED – Polîsan taxê Alîpaşa û Lalebey yê Sûrî bi barîkatan dorpêç kerdî û zor keyan danê vengkerdiş.

Wêrankerdişê taxê Alîpaşa û Lalebey yê qezaya Amedî Sûrî yê Amedî binê nameye, “vurnayîşê bajarwanî” de dewam keno. Beşêk pîl yê di taxan ameyî xirakerdiş. Nika zî keyeyê kesê ke cuyenê wêrankerdişî rê xo ver danê, yenê xirakerdiş. Polîsan serê siba di taxê ke yenê xirakerdiş bi barîkatan dorpêç kerdî û hemwelatîyê ke keyeyê xo terk nêkerdî û bi zor înan keyanê înan ra vejenê. Hemwelatîyê di taxan, dorpêçê polîsê hêzê Çevîk û TOMA de, hemverê xirakerdişî xo ver dane.

Hemwelatîyê ke destûr nîno dayîş bikoyê keyeyê xo, hewldanê mîyanê asênê ceyranî ra bikoyê keyanê xo. Ame dîyar kerdiş ke Walîyê Amedî ferman dayo taxî bêrê dorpêç kerdiş û hemwelatî bi zor keyan ra bêrê vetiş.