Serrnameyê çalakîya TJA ame îzahkerdiş

AMED – TJA semedo ke bale bi anco serê qirkerdişê cinîyan û tecrîdê Rayberê PKKî Abdullah Ocalanî bişiknê, di kampanya dabî destpêkerdiş û serrnameyê pêvînayîşê ke şarî dir bikerê îzah kerdî.

Tevgerê Cinîyê Azad (TJA), 3 Tebaxe Êlih de dimayê kampanyaya “Ma do qirkerdişê cinîyan vindarnê, cuyayîş azad bikerê” 19 Tebaxe de Stenbol de, semedê azadîya Rayberê PKKî Abdullah Ocalanî, “Tecrîd do vindî bikero, azadî do qezenç bikero” startê kampanya dayî. Cinîyan dimayê ke startê kampanya dayî, mabêne 20 Tebaxe û 20 Êlule cayê ke do şarî dir kombîyayîş bikerê tarîxê ci îzah kerdî.

Cayê ke do kombîyayîşê şarî bêro kerdiş winî yê:

Mêrdîn: 20-25 Tebaxe

Amed: 23 Tebaxe-20 Êlule

Êlih: 17-25 Tebaxe

Wan: 24-30 Tebaxe

Agirî: 20-27 Tebaxe

Sêrt: 17-25 Tebaxe

Riha: 5-10 Êlule

Dîlok: 10-15 Êlule

En peynî zî Semsûr û qezanê ci de kombîyayîşê şarî dir 15 Êlule dest pê bikero û 20 Êlule de biqedîyo.

TJA dima ra zî 25 Teşrîna Peyine de Roja Têkoşînê Mîyannetewî yê Hemverê Şîdetê Cinîyan heta a roje çalakîyê xo dewam bikerê.