Ma estbî, ma estê, ma do estbê!

“Kanûne 2016 de bi şîarê “Ziwanê medya rê, bi nîyetê goçîne” hetê serê siba de Gazete Şûjin, 25ê Tebaxe 2017 de Qanûnê hûmara 693 bi Qerarnameyê Hukmê Qanûnî de ame padayîş.

Dinyayê kesê ke vanê “Sey cinîyêke hus bê” bi xeberê ma yê goçîne ke ma awan bî, medya de ma veng û sozê cinîyan girs kerd. Medya ra bigî heta dewlete ra cinîyan rê sînorê ‘cinîtî yê mutebere’ ke ameyî xêzkerdiş rojnameyê ma nas nêkerd û merkezê xeberanê xo de cinî girewt xo dest û bi şîarê “çîyo taybet polîtîk o” pawitişê xo kerd. Rojnameyê Şûjin hêrişê zîhnîyetê camêrdan ke serê bedenê cinîyan û cuya înan de yo eşkarekerdişê xo dewam kerd.

No sebep ra raste rast rojname û embazanê ma rê xeylê tehdît ameyî kerdiş. Warê ma yê sîtema yê webî rê xeylê rey hêrişê sîberî ame kerdiş. Taybetî zî raya pêroyî rê û şarî rê xeber girewtişê înan ke yeno astengkerdiş en vernî rojnameyê ma xeberan dayne û goçîne ke da îqtîdaran de hetê înan ra ame waştiş ke ewro vengê aye bibirnê.

Şûjine heme cayan de bî

Şûjine Êlih de, Çinar de, Ensar de, mekteban de, kuçan de, metro, keyan de û heme warê taybet û cayen de doman û cinîyê ke rastê hêrişê îstîsmarî ameyî bî vengê înan. Xeylê cinîyê ke her roje hetê camêrdê ke nas kenê ameyî qetilkerdiş; îradeyê cinîyan ke fikrîyayî mîyanê çar dêsan de bi pelçiqnê bî vengê ê cinîyan.

Şûjine Sûr de, Cizîre de, Heskîf de û Nisêbîn de hemwelatîyê ke keyeyê înan ameyî rijnayîş û vîrê komelî: Dêrsim de, Licê de û Mêrdîn de daristanê ke ameyî veşnayîş, ganeyê ke ame waştiş bêrê çinkerdiş bî vengê înan.

Şûjine bî vengê Şapatan û Xerabê Bava de hemwelatîyê ke îşkence ra derbaz bî; bi panzêran û guleyan Muhammet, Furkan, Pakîze Hazar û Kemal Kurkuto ke ameyî qetilkerdiş û bî vengê bi desan hemwelatîyan.

Şûjine bî vengê Nurîye Gulmena ke 290 rojî verê, “Ez karê xo wazena” va û cadeyê Yukselî de rojêke vejya heta nika, Kalkedon de û bi desan cayan de kesê ke xo ver dayî, grevê vêşanî dest pêkerdî bî vengê înan.

Şûjine Sîncan de, Şakran de, Wan de, Tarsus de û bi desan hepisxanan de tewqîfkerde yê ke îşkence ra derbaz bî û bedenê xo vêşanî rê kerdî derg; karkerê ke kede înan nêamî vînayîş, heqê înan ame werdiş; heywan û xozaya ke hêriş ci rê ame kerdiş bî vengê înan.

Ma do huş nêbê

Nuştişê cinîyan, vatişê cinîyan û rojnamegerî semedo ke mendewar verdê cinîyê ke waştêne sey Rosa Luksemburg, Gurbetellî Ersoz, Emma Goldman, Vîrgînîa Woolf, Ayfer Serçe, Ulrîke Meînhof û Denîz Firate ra ma pêserî, bawerî û bi înad cinîyê verê ma ke “Do camêrdî çi hukm bidê ma nê vanê, nuştişê xo rê ma do dewam bikerê” vatişê înan ma reyna kenê.

Çapemanîya azade do bêveng nêmano, xeberdarîya cinîyan do bêveng nêmano.

” Ma estbî, ma estê, ma do estbê!”